Egileentzako gidalerroak

Idazlanak aurkezteko jarraibideak

     Egan euskara hutsezko literatura aldizkaria da. Aldizkarira aurkezten diren lanek hemen zehazten diren jarraibideak bete beharko dituzte.

     Egan literatura aldizkariaren xede nagusia literatura arloko ikerketa artikuluak argitaratzea da. Sail horretan aldizkariak leku egin nahi die saiakera eiteko idazlanei, zehaztasun akademikoa mantenduz. Beste diziplina bati atxikiak izan arren, literaturarekin ageriko lotura izan dezaketen ikerlanak ere aintzat hartuko dira. Orobat argitara emango dira ikerketa materialak (erreferentziazko edota gai zehatz baten inguruko bibliografiak, corpus argitaragabeak...), eta literaturaz diharduten liburuen aipamenak.

     Literatura azterketen lerroa ez ezik sorkuntzarena ere zabalik du Eganek, eta poesia, narrazio laburrak eta itzulpenak biltzen ditu, aldizkariaren ibilbideari jarraituz.

1. Jarraibide orokorrak

• Idazlan argitaragabeak onartuko dira.
• Jatorrizkoak euskarri elektronikoan (DOC(X) edo ODT formatuetan) eta aldizkariaren webguneko plataformaren bidez helaraziko dira. Plataforma erabiltzeko zailtasunik izanez gero, bidali helbide honetara: egan.bascongada@gmail.com
• Egilearen datuak beste dokumentu batean adieraziko dira: izenabizenak, filiazioa (unibertsitatea, erakundea...), helbidea, telefono zenbakia eta helbide elektronikoa.
• Testua euskara batuan idatzita, zuzentzaile ortografikoaren bidez hutsak zuzenduta eta ondoren zehazten diren arauetara egokituta bidaliko da (§ 2).
• Ikerketa-artikuluak argitaratzeko, Erredakzio Kontseiluak kanpoko bi adituren iritzia jasoko du (§ 3); gainerako idazlanek ez dute kanpo-ebaluaziorik izango.
• Urtean bi ale argitaratzen dira: urteko lehen alean argitaratzeko, jatorrizkoak martxoaren amaiera arte bidal daitezke eta bigarren alerako, irailaren 15a arte.

2. Artikuluen egitura eta formatua

2.1. Egitura

• Testua ikerketa-artikuluen ohiko atalez osatua egongo da: sarrera (artikuluaren gaia, helburuak eta metodologia zehaztuz), artikuluaren erdiko atalak, ondorioak, bibliografia eta, halakorik bada, eranskinak.
• Liburu aipamenek liburuaren erreferentzia osoa emango dute eta azalaren irudia.

2.2. Formatu orokorra

• Izenburua: Times New Roman 14, letra xehe lodian, erdian lerrokatua. Azpian, letra mota berean, ingelesez idatziko da.
• Laburpena eta gako-hitzak: izenburuak Times New Roman 12, letra xehe lodian, ezkerrean lerrokatuak. Laburpenaren testua paragrafo bakarrean, eta ingelesez ere idatziko da. Gako-hitzak ere euskaraz eta ingelesez adieraziko dira, eta gehienez ere bost idatziko dira.
• Testua: Times New Roman 12, justifikatua, lerroarte bakuna. Paragrafoaren hasieran 1,25 cm-ko koska utziko da, eta paragrafotik paragrafora lerro zuri bat.
• Atalak. Maila hauek bereiziko dira: 1. Lehen maila (12, letra xehe lodia); 1.1. Bigarren maila (12, letra xehe lodia); 1.1.1. Hirugarren maila (12, letra lodi etzana). Sarrera 1 zenbakiarekin zenbakituko da. Atal guztiak ezkerrean lerrokatuta joango dira eta izenburuaren amaieran punturik gabe.
• Taulak eta irudiak zenbakitu egingo dira, eta izenburua jarri.
• Ortotipografia
  • Komatxo moten mailaketa: “xxx «xxx» xxx” . Komatxo bakunak (‘ ’) hitz bakanen adiera edo itzulpenak emateko erabiliko dira.
  • Puntua beti ixteko komatxoen ondoren idatziko da: “esan zuen”.
  • Letra etzanez joango dira beste hizkuntza batean idatzitako hitz solteak, metalinguistikoki erabilitako terminoak, liburu, aldizkari, egunkari, film, antzerki, disko eta abarren izenburuak. Horietan jatorrizko izenburua erabiltzen bada eta parentesi artean itzulpena ematen bada, jatorrizkoa letra etzanez idatziko da, eta itzulpena, berriz, letra arruntez. Era berean, letra etzanez idatziko dira izen-abizenen ondoan erabiltzen diren goitizenak: Juan Jose Alkain Udarregi; bakarrik doazenean, letra
    arruntez.
  • Letra etzanez idatzitako hitz edo esaldi baten ondoko puntuazio-markak, parentesiak eta abar letra arrunten estiloan idatziko dira.
  • Etzanean edo komatxo artean diren hitzen ondoko deklinabide-atzizkia marratxorik gabe idatziko da: Eganen.
  • Siglak: letra arruntez eta letra larri txikietan.

2.3. Aipuak

• Lau lerro baino laburragoak “komatxo” artean testuan bertan jasoko dira. Aipu luzeak aparteko pasartean idatziko dira, testuko letra-tamaina berean, 2 cm-ko koskarekin lerro guztietan eta komatxorik gabe. Aipuaren aurretik eta ondoren tarteko lerro zuri bat utziko da.
• Bertsoa denean 2 cm-ko koskarekin sartuko da. Bertsoen edo olerkien hitzak lerro betean idazten direnean, bertso-lerroak bereizteko zehar-marra erabiliko da eta alde banatan zuriunea utziko da: xxx / xxx.
• Salbuespen gisa bestelako jokabideak ere onar daitezke, testuaren segidak edo bestelako arrazoiek hala eskatzen badute.
• Aipu barruko idazketa
• Aipuaren barruko paragrafo artean lerro zuririk ez sartu.
• Idatzi gabe utzi den testu zatia kako zuzenen artean hiru etenpuntu jarrita adieraziko da. [...]
• Jatorrizko testuan ez dauden hitzak eransteko parentesi karratuak erabiliko dira.
• Oin-oharretako aipu luzeak koskarik gabe eta “komatxo” artean idatziko dira.
• Aipuaren amaierako puntua erreferentziaren ondoren ipiniko da (§ 2.5.1).
• Azpimarra gurea, itzulpena gurea moduko oharrak erreferentzia bibliografikoaren ondoren idatziko dira: (Jacquot, 1978. Itzulpena gurea).

2.4. Oin-oharrak

• Oharren deia zenbakien bidez egingo da, eta zenbakia puntuaziomarkaren aurretik joango da.
• Orri-oinetan agertuko dira, eta ez testuaren bukaeran. Orri-oinean letra-tamaina: 10.

2.5. Erreferentzia bibliografikoak

• APA arauen 7. edizioa jarraituko da erreferentzia bibliografikoetarako. Oinarrizko arauak azaltzen dira hemen. Xehetasun gehiago behar izanez gero, ikus: APA ARAUAK

2.5.1. Testu barruko erreferentzia bibliografikoak

• Autorea-urtea sisteman antolatuko da: egilearen lehen deitura, argitaratze urtea eta orrialde zenbakiak, komaz bereizita, parentesi artean: (Egaña, 2024, 71-72. or.). Bi autore edo gehiagok deitura bera badute, izenaren iniziala ere jarriko da.
• Bi autoretik gora, lehen deitura eta et al. laburdura erabiliko da. Artikuluaren bukaerako bibliografian egile guztiak aipatuko dira.
• Autore ezberdinen aipamenak puntu eta komaz bereiziko dira: (Grésillon, 1990; Hay, 2002). Autore bakar baten lanak aipatzean, komaz banatuko dira: (Irigarai, 1953, 1954).
• Autorearen izena diskurtsoaren parte bada, aski da argitalpen urtea eta orriak adieraztea.
• Orrialde zenbakiak osorik idatziko dira: 316-319 (eta ez 316-9). Ondoan “or.” (orrialdea(k)) laburdura erabiliko da, azken zenbakian puntua jarri (-garren) eta zuriune bat utzita: 316-319. or.
• Jarraikoak ez badira, komaz bereiziko dira: 5, 16. or.
• Liburukiak dataren ondotik jarriko dira, koma batez bereiziz: (Vinson, 1983, I, 5-46. or.).

2.5.2. Bibliografia

• Atal honetan zerrendatuko dira testuan zehar erabili diren erreferentzia guztiak, eta ez besterik, Bibliografia izenburupean: Times New Roman 12, letra xehe lodian, ezkerrean lerrokatua.
• Sarreren artean lerro zuririk ez, baina bigarren lerrotik aurrera 1 cm-ko koskarekin.
• Hurrenkera alfabetikoan antolatuko da. Autore batek lan bat baino gehiago duenean, sarrera bakoitzean errepikatuko da bere izena.
• Autore baten lanak kronologikoki zerrendatuko dira, eta urte bereko argitalpen bat baino gehiago aipatzen bada, letrak ezarriko dira urtearen jarraian: 1981a, 1981b... Beste autore batekin edo batzuekin egindako lanak bakarka egindakoaren ondoren joango dira, alfabetikoki eta kronologikoki zerrendatuak.
• Deitura(k) letra xehean, hasierakoa(k) salbu. Izenaren iniziala, letra larriz eta puntua ondoren. Inizial bat baino gehiago jarraian gertatzen direnean, ez da zuriunerik utziko inizialaren puntuaren ondoren eta hurrengo inizialaren artean (L.M.).
• Autore bat baino gehiago dagoenean komaz bereiziko dira, eta azken autorearen aurretik “&” zeinua jarriko da: Deitura, I., Deitura, I. & Deitura, I.
• Liburuak
• Deitura, Izenaren iniziala. (Argitalpen urtea). Izenburua. Argitaralekua: Argitaletxea.                                                                                                                               Artze, J. (2013). Bizitzaren atea dukegu heriotza. Donostia: Elkar.
• Itzulpena erabili denean, itzultzailearen izena izenburuaren ondoren idatziko da parentesi artean eta “Itzle.” laburdura erantsiko da, izenburuaren eta parentesiaren artean puntua jarri gabe:
       Ginzburg, N. (2021). Bertute txikiak (Itzle. Irene Hurtado de Saratxo).                       Alberdania. [Jat. ed. (1962). Le piccole virtù].
• Liburuaren argitaraldiaren eta liburukiaren zenbakiak gehitu nahi badira, izenburuaren ondoren idatziko dira parentesi artean eta koma batez bereizita. Izenburuaren eta parentesiaren artean ez da puntua jarriko:
           Izenburua (2. argit., II. libk.). Argitaralekua: Argitaletxea.

• Sailak eta bildumak argitaletxearen ondotik idatziko dira, koma batez bereiziz:           Kardaberaz, A. ^js (2004) [1761]. Eusqueraren berri onac. Bilbo: Euskaltzaindia,          Euskararen lekukoak 23.                                                    

• • • Informazio gehigarria erantsi nahi denean, amaieran idatziko da parentesi karratuen artean: 

                                     Bordieu, P. (1992). Les règles de l’art. Genèse et structure du champ littéraire.                                             Paris: Seuil. [Gazt. ed., Kauf, T. (1995). Las reglas del arte. Génesis y estructura                                           del campo literario. Bartzelona: Anagrama].

• • Liburuetako kapituluak
    • Deitura, Izenaren iniziala. (Argitalpen urtea). Kapituluaren izenburua. In Argitaratzailearen izenaren iniziala. Deitura (arg.), Liburuaren izenburua (xx-xx. or.). Argitaralekua: Argitaletxea. Mitxelena, K. (2011). Euskal literaturaren etorkizuna. In J.A. Lakarra & I. Arzalluz Ruiz (arg.), Obras Completas XIV (75-80.
      or.). Donostia / Gasteiz: ASJU / Gipuzkoako Foru Aldundia / UPV-EHU. [Jat. ed. (1951). Egan, 3, 17-21].
    • Izenbururik gabeko sarrerak edo hitzaurreak parentesi karratuen artean adieraziko dira: Mujika, L. M. (1979). [Hitzaurrea]. In J. M. Lekuona (arg.), Ilargiaren eskolan (7-14. or.). Donostia: Erein.
  • Artikuluak
• Deitura, Izenaren iniziala. (Argitalpen urtea). Artikuluaren izenburua. Aldizkariaren izena, zenbakia, orrialdea-orrialdea. San Martin, J. (1984). Egan aldizkaria 30 urte euskal literaturagintzan. Egan, 5/6, 5-7. /ojs/index.php/egan/article/view/3715/3468   
• Liburukia eta zenbakia, biak agertzen edo idazten badira, honela adieraziko dira: Aldizkariaren izena, liburukia (zenbakia), orrialdea-orrialdea. Haritxelhar, J. (2011). Amorosen gaztiguia. Egan, 64(3/4), 23-38. /ojs/index.php/egan/article/view/2730/2548       
                                                                                                     
  • Egunkariak
    • Egunkari baten data osoa eman behar denean, egilearen atzetik urtea bakarrik idatziko da eta data osoa egunkariaren izenaren ondotik: Sarasola, I. (2016). Gabriel Arestiren Harri eta Herri-tik desagerturiko bi poema. Berria 2016-02-23.